BFClimatech

Menú

Que é BF ClimaTech?

BF ClimaTech é un programa que serve para minimizar o período de desenvolvemento e maximizar as probabilidades de éxito de proxectos de emprendemento innovador que ofrezan novas propostas no sector ambiental e sectores relacionados.

Para garantir que responde ás necesidades do mercado e que, así, os proxectos atopen demanda para os seus produtos e servizos, BF ClimaTech reúne ao sector para definir uns retos cos que dirixir cada unha das convocatorias. Estes retos son a expresión de necesidades concretas de segmentos de mercado específicos.

O programa está impulsado pola Xunta de Galicia e por Viratec, o Clúster Galego de Solucións Ambientais e Economía Circular, e conta coa participación das empresas do sector, así como de centros de coñecemento e entidades de inversión.

Itinerarios da BF ClimaTech

BF ClimaTech estrutura os seus servizos de apoio aos proxectos participantes en tres itinerarios diferenciados: incubación, aceleración e consolidación.

Estes itinerarios están deseñados para que os proxectos acaden as metas que correspondan en función do seu grao de desenvolvemento: desde a definición da proposta de valor, en incubación; pasando pola xeración dun produto ou servizo mínimo viable e a súa validación con clientes, en aceleración; ata a sistematización e expansión do seu modelo de negocio, en consolidación.

Incubación

Incubación

Este itinerario diríxese a proxectos que teñan a necesidade de definir a súa proposta de valor, sexa un produto ou servizo. En liñas xerais, estrutúrase nos seguintes pasos:

  • Validación da necesidade identificada.
  • Análise de viabilidade, factibilidad e deseabilidade.
  • Deseño da proposta de valor.
  • Encaixe da proposta de valor co público obxectivo.
  • Deseño do modelo de negocio.

Aceleración

Aceleración

O itinerario de aceleración destínase a proxectos con necesidade de xerar un produto ou servizo mínimo viable e de confirmar a súa proposta de valor cunha primeira venda ou caso de éxito. Estrutúrase nas seguintes fases xerais:

  • Desenvolvemento dun produto ou servizo mínimo viable (PMV ou SMV).
  • Experimentación mediante o PMV ou SMV con clientes potenciais.
  • Aprendizaxe e refinamento iterativo do produto ou servizo.
  • Planificación de negocio.
    Atracción de investimento público e privado.
  • Consecución de primeiros pedidos.

Consolidación

Consolidación

Este itinerario resérvase a proxectos que necesiten sistematizar o seu modelo de negocio e acrecentar a súa capacidade de xeración de valor en termos de negocio e económico-financeiros. En xeral, estrutúrase como segue:

  • Planificación de crecemento.
  • Atracción de inversión pública e privada.
  • Consecución da recorrencia de negocio.

Recursos de BFClimaTech

Saída comercial

BF ClimaTech especializase en lograr que os proxectos participantes se integren e consoliden a súa posición no sector ambiental, así como en sectores conexos, tanto en Galicia como nos ámbitos nacionais e europeos.

Mentorización

Cada un dos proxectos participantes conta cun mentor específico pertencente a unha das empresas tractoras de BF ClimaTech.

Formación

Ponse ao dispor dos proxectos participantes un programa de formación que se deseña caso por caso, segundo as necesidades concretas de cada un no relativo á adquisición de novas capacidades críticas.

Internacionalización

Os proxectos participantes dispoñen de oportunidades de introdución en mercados exteriores e reciben axuda para definir a súa vía de internacionalización.

Servizos e infraestruturas

Os proxectos participantes teñen acceso ao catálogo de infraestruturas e servizos do sector das solucións ambientais e a economía circular en Galicia.

Titorización e coaching

Atendendo ás súas necesidades concretas, cada un dos proxectos participantes recibe a guía dun titor experimentado en emprendemento e de coaches especializados en aspectos clave.

Financiación

Todos os proxectos participantes poden empregar instrumentos de financiamento específicos e recibirán apoio para o acceso a fontes de financiamento adicionais públicas e privadas.

Networking

Os proxectos da BF ClimaTech teñen á súa disposición unha extensa rede de contactos que se dinamizará mediante eventos específicos cos que enriquecer as súas respectivas axendas e facilitar o seu crecemento.

Retos e desafíos

Os retos foron deseñados para abordar as prioridades estratéxicas no ámbito das solucións ambientais e a economía circular, así como noutros sectores relacionados. Expresan as necesidades e expectativas de innovación das empresas e entidades que participan en BF ClimaTech, como representantes do conxunto do sector.

Á súa vez, os desafíos son problemáticas concretas das empresas tractoras do programa que encaixan nalgún desos retos e que se presentan como exemplo. Así, enmarcado no reto correspondente, cada un deses desafíos expresa unha necesidade de colaboración cun proxecto de emprendemento innovador dunha empresa en particular, pero igualmente poden levarse a cabo outras iniciativas. 

Como impulsar a competitividade do sector primario mellorando o seu desempeño ambiental e circularidade?

Algunhas temáticas incluídas neste reto son as seguintes:

  • Redución da pegada ambiental: solucións para diminuír as pegadas de carbono, hídrica e ecolóxica en todas as actividades do sector primario.
  • Valorización de coproductos, subproductos e residuos: transformación de residuos e materias primas infrautilizadas, como é o caso da la, en novos recursos.
  • Rexeneración do chan e biodiversidade: solucións innovadoras que promovan a agricultura, gandería e silvicultura rexenerativa, restaurando chans, aumentando a biodiversidade, optimizando o uso de recursos e contribuíndo a mitigar o cambio climático.
  • Economía azul e circularidade mariña: estratexias de restauración, protección e sostibilidade dos ecosistemas mariños, a pesca e a acuicultura, integrando tecnoloxías limpas, enerxías renovables e modelos circulares de aproveitamento de materiais.

 

Exemplos de Desafíos propostos para este Reto:

  • Aproveitamento dos coproductos vexetais procedentes de fermentacións alcohólicas, como poida ser o caso da proteína, para a súa aplicación na industria agrogandeira ou noutros sectores. Perséguese unha mellora das características nutricionais dos coproductos existentes ou a súa transformación en produtos alternativos para uso nutricional ou como biofertilizantes.

Como garantir a dispoñibilidade de materias primas críticas e promover modelos produtivos circulares e eficientes?

Algunhas temáticas incluídas neste reto son as seguintes:

  • Simbiose industrial: Solucións que fomenten a colaboración entre industrias para maximizar a reutilización de recursos e reducir residuos.
  • Valorización de residuos: Transformación de residuos en recursos enerxéticos, hídricos ou novos materiais aproveitables.
  • Minería urbana e recuperación de materias primas: Desenvolvemento de tecnoloxías para recuperar materiais críticos de residuos e contornas urbanos.
  • Redución de materiais críticos: Innovacións que diminúan a dependencia de materiais críticos en alta tecnoloxía.
  • Materiais avanzados: Desenvolvemento de novos materiais sostibles con alto valor engadido.
  • Ecodiseño: Integración de principios de deseño sostible para mellorar o ciclo de vida de produtos e procesos industriais.
  • Redución da pegada de carbono e captura e almacenamento de CO2: Solucións innovadoras para minimizar as emisións de carbono en procesos industriais, incluíndo a integración de tecnoloxías para a captura, almacenamento e uso do CO2 como recurso en novos produtos e procesos.

 

Exemplos de Desafíos propostos para este Reto:

  • Desenvolvemento de novos materiais con baixa pegada de carbono que incorporen cinzas de biomasa como compoñente principal ou aditivo funcional.
  • Utilización de cinzas de biomasa en materiais xa existentes, como elemento substitutivo doutras materias primas con maior incidencia na pegada de carbono do material orixinal.

Como mellorar o desempeño ambiental do ciclo integral da auga?

Algunhas temáticas incluídas neste reto son as seguintes:

  • Dixitalización do ciclo da auga: desenvolvemento de ferramentas tecnolóxicas para optimizar a xestión, sensorización e o seguimento do ciclo integral da auga.
  • Biofactorías: implementación de novas tecnoloxías de tratamento e depuración, cun enfoque na valorización de residuos para convertelos en recursos enerxéticos e novos materiais.
  • Tratamento de microcontaminantes e microplásticos: solucións innovadoras para eliminar contaminantes emerxentes no ciclo da auga.
  • Reutilización da auga: tecnoloxías custo-efectivas para o tratamento e reúso de auga en diferentes aplicacións
  • Soluciones eficientes e sostibles para o abastecemento e saneamento en contornas rurais dispersas; xestión e mitigación da contaminación difusa; garantir caudais ecolóxicos en ríos e outros ecosistemas hídricos; e optimización de redes de colectores.

 

Exemplos de Desafíos propostos para este Reto:

  • Desenvolvemento e implantación de novas tecnoloxías capaces de eliminar metais pesados e novos contaminantes emerxentes nos lodos derivados da depuración de auga.
  • Desenvolvemento e posta en marcha de sistemas de medición que utilicen sensores conectados para a cuantificación de parámetros microbiolóxicos na auga rexenerada.

Como promover a circularidade do sector téxtil en todas as súas fases?

Algunhas temáticas incluídas neste reto son as seguintes:

  • Segunda vida para as pezas: Solucións que fomenten modelos C2B (consumidor a negocio) e C2C (consumidor a consumidor) para a reutilización, reparación e reciclaxe de téxtiles.
  • Valorización de residuos téxtiles: Desenvolvemento de tecnoloxías para a separación, clasificación, preparación e transformación de residuos téxtiles en novas materias primas ou solucións de packaging sostible.
  • Novos materiais sostibles: Innovación en materiais máis duradeiros, reciclables ou cun menor impacto ambiental ao final do seu ciclo de vida.
  • Redución da pegada ambiental: Estratexias para diminuír as pegadas de carbono, hídrica e ecolóxica ao longo de toda a cadea de valor téxtil.

 

Exemplos de Desafíos propostos para este Reto (SOGAMA):

  • Deseño e desenvolvemento dun proceso de tratamento para recuperar material téxtil da fracción resto (bolsa negra) de residuos, incluíndo tecnoloxías avanzadas de saneamento e clasificación que permitan a súa reciclaxe e reintegración na cadea de valor.

¿Cómo minimizar las emisiones y el consumo de recursos en los materiales y procesos constructivos?

Algunhas temáticas incluídas neste reto son as seguintes:

  • Materiais construtivos circulares e renovables: Innovación en materiais sostibles que poidan ser reutilizados ou reciclados ao final da súa vida útil.
  • Edificios e infraestruturas de enerxía cero: Deseño de edificacións que minimicen o consumo enerxético e aproveiten fontes renovables.
  • Reciclaxe e valorización de residuos: Solucións para procesar residuos do sector da construción e demolición (RCDs) e doutros sectores (escorias, cinzas, plásticos etc.), integrándoos como recursos en novos procesos construtivos.
  • Uso de biomateriais e fabricación aditiva: Aplicación de biomateriais e tecnoloxías como a impresión 3D para impulsar unha construción máis sostible e eficiente.
  • Construción industrializada: Desenvolvemento de procesos innovadores para a construción industrializada, centrados na fabricación eficiente, sostible e escalable de estruturas construtivas.

 

Exemplos de Desafíos propostos para este Reto (GESTÁN CONTECO):

  • Desenvolvemento de solucións innovadoras para o tratamento e transformación de residuos de placas de xeso laminado derivados da construción, que permitan a súa reintrodución na cadea de valor como substitutos de materias primas virxes e promovan a circularidade e sostibilidade do proceso construtivo.
  • Desenvolver solucións circulares de valorización para plásticos complexos e mesturados. Pode ser un produto físico, un sistema de transformación ou unha combinación de ambos.

¿Cómo crear espacios urbanos y comunidades más saludables, resilientes y circulares?

Algunhas temáticas incluídas neste reto son as seguintes:

  • Renaturalización das cidades: estratexias para integrar a natureza nas contornas urbanas, mellorando a biodiversidade e a calidade de vida.
  • Refuxios climáticos: desenvolvemento de espazos urbanos deseñados para protexer ás persoas dos efectos de fenómenos climáticos extremos.
  • Reutilización e reciclaxe de residuos municipais: tecnoloxías e modelos para valorizar residuos urbanos.
  • Comunidades enerxéticas: solucións para fomentar o autoconsumo, a xeración distribuída e a colaboración no uso de enerxías renovables.
  • Mobilidade sostible: Propostas innovadoras para promover o transporte limpo, accesible e eficiente en áreas urbanas e rurais.
  • Sostibilidade climática no turismo e turismo rexenerativo: Promoción de modelos turísticos que reduzan o seu impacto ambiental e contribúan á adaptación ao cambio climático. De maneira específica, iniciativas para minimizar a pegada ecolóxica do Camiño de Santiago mediante o uso de enerxías renovables, a xestión sostible de residuos e a restauración de ecosistemas ao longo dos seus roteiros.
  • Solucións climáticas para o ámbito rural: Implementación de estratexias que potencien a resiliencia das comunidades rurais fronte ao cambio climático.

 

Exemplos de Desafíos propostos para este Reto:

  • COREGAL: Solucións innovadoras para o deseño e fabricación de contedores de residuos urbanos que cumpran cos seguintes requisitos:
    • Materiais sostibles: contedores fabricados con materiais reciclables, biodegradables ou de baixo impacto ambiental, priorizando a economía circular.
    • Integración na contorna: deseños que se adapten harmonicamente á paisaxe urbana ou rural onde serán instalados, respectando e potenciando a estética da contorna.
    • Funcionalidade e durabilidade: solucións que combinen sostibilidade con resistencia, facilidade de uso e mantemento en distintas contornas.
  • Desenvolvemento de materiais para envasado ou de envases terminados a partir dos residuos de envases tipo brick (PolyAl).
  • Desenvolvemento de solucións innovadoras que permitan mellorar a percepción e o compromiso social coa sostibilidade ambiental. Búscanse propostas que integren análises do comportamento cidadán, comunicación ambiental efectiva ou tecnoloxías participativas para fomentar unha maior implicación da sociedade na redución do impacto ambiental e na transición cara a modelos sostibles.
  • Impulso da ciencia aberta e da difusión do coñecemento científico cara á sociedade. O obxectivo é promover a transparencia, a participación cidadá e o acceso libre aos resultados da investigación mediante ferramentas, formatos de comunicación innovadores ou programas colaborativos entre investigadores, centros educativos e cidadanía, reforzando así a cultura científica e a confianza social na ciencia.

Como utilizar Tecnoloxías Facilitadoras Esenciais para impulsar unha economía eficiente e de baixas emisións?

Algunhas temáticas incluídas neste reto son as seguintes:

  • Rastrexabilidade e análise de datos ambientais: desenvolvemento de ferramentas dixitais para a monitorización, rastrexabilidade e análise avanzado de datos ambientais.
  • Dixitalización de solucións ambientais: integración de tecnoloxías dixitais para optimizar procesos sostibles en diferentes sectores económicos.
  • Redución da pegada de carbono en TIC: estratexias e tecnoloxías que minimicen o impacto ambiental asociado ao uso e desenvolvemento de tecnoloxías da información e a comunicación.
  • Tecnoloxías baseadas en datos: aplicación de tecnoloxías avanzadas, como o Internet das Cousas (IoT), blockchain, intelixencia artificial xenerativa e axentes de IA, para abordar desafíos ambientais.
  • Algoritmos verdes: deseño de algoritmos optimizados para maximizar a eficiencia enerxética e reducir o consumo de recursos tecnolóxicos.

Calendario